Poem in Nepali | New Nepali Poem
कालमहिमा
भाका, भूल, दया, क्षमा र ममता, सन्तोष जान्दैन त्यो ।
इन्द्रै बिन्ती गरून् झुकेर पदमा, त्यो बिन्ती मान्दैन त्यो ॥
थुप्रोमा उधिनी मीठो र नमीठो छुट्टयार्इ छान्दैन त्यो ।
खाता जाँचि सबै दुरुस्त नबुझी बिर्सेर हान्दैन त्यो ॥१॥
राजा रङ्क सबै समान उसका वैषम्य गर्दैन त्यो ।
आयो टप्प टिप्यो, लग्यो मिति पुग्यो, टारेर टर्दैन त्यो ॥
लाखौँ औषधि, अस्त्र-शस्त्र-महिमा देखेर डर्दैन त्यो ।
व्याधातुल्य लुकेर चल्दछ सदा, मारेर मर्दैन त्यो ॥२॥
आँसुका दहमा नुहाउँछ, चिसो पानी रुचाउन्न त्यो ।
सुक्खा जर्जर अस्थिपञ्जरविना शय्या बनाउन्न त्यो ॥
मैलो भस्म सिवाय अङ्ग भरमा केही लगाउन्न त्यो ।
हाहाकारभरि मीठो अरू कुनै संगीत गाउन्न त्यो ॥३॥
जो जो मिल्छ सुलुक्क लिन्छ, मुखमा हाली चपाउन्न त्यो ।
थाल्यो च्वाम्म सबै चपाउन भने आहार पाउन्न त्यो ॥
जत्ति निल्छ उति उकेल्दछ पनी, केही पचाउन्न त्यो ।
यै चालासित कल्प-कल्प कहिल्यै खार्इ अघाउन्न त्यो ॥४॥
लक्ष्य
मिहेनत गर तिमले अब लक्ष्य छैन टाढा
फुलको बोटमा फुल मात्रै हैन हुन्छन् काँडा
काँडा हटाई फुलको सुवास तिमले छर्नुपर्छ
देशको निम्ति राष्ट्रभक्ति मनमा भर्नुपर्छ
परिश्रमी ती हातहरू नहुन् कहिल्यै पछि
सबैलाई साथ लिई तिमी बढ्नुपर्छ अघि
गुरु अनि अभिभावक हुन् सबै तिम्रा मित्र
देशका लागि तिमले अब कोर नयाँ चित्र
आफ्नो मान्छेले गाली गर्दा तिमी रुनुहुन्न
जीवनलाई बर्वाद पर्ने चिज छुनुहुन्न
तिम्रो जीवन सफल भए हामी हुन्छौ खुसी
पढ्न लेख्न छोडी हमलाई नबनाउनू दुखी
तिम्रै लागि हामले जीवन अर्पण गर्यौ
आफू पिडा सहेर नि तिमिभित्र खुसी भर्यौ
तिमी देशको जनशक्ति तिमि हाम्रै शान
देश विदेश संसारभरि बढाऊ देशको मन
क्षणीक ती आनन्दलाई तिमले त्याग्नुपर्छ
लगनशील बनी लक्ष्य पुरा गर्न तिमी लग्नुपर्छ
नया वर्ष
विपदबाट हारेन झेलीरहयो उसलाई सहर्ष
तुफानहरुलाई पार गरी पुगेको छ नववर्ष
नभ मौसम सागर सबै गर्छन् कृपा निरन्तर
जंग र आतंक को पर्दैन कहिले नि मार
बागहरु फुलिरहेछन् इंद्रधनुष को रंग
घर घर मा बसिरहून् खुशिहरुको उमंग
मन मा होस् संवेदना तन मा नव स्फूर्ति
आफन्तहरुसँग सदभावना जगमा सुंदर कीर्ति
उन्नति को सृजनाहरु गरुन् यस्तो विकास
संस्कार को जगमा बनिरहोस् विश्वास
वर्षनयाँ गुलजार होस्-मिटोस् सबैको पीडा
मेहनतले हामी झारिदिऊ बिगत वर्षा धुलोपिठो
अभिनंदन नव वर्षको मंगलमय होस् वर्ष
ऋद्धि सिद्धि सुख संपदा सबबाट रहून् भरपूर
إرسال تعليق